Konungur og Könguló í nýjum Myndum mánaðarins

Júlíhefti kvikmynda – og DVD/Blu-ray/VOD tímaritsins Myndir mánaðarins er komið út í rafrænni útgáfu. Eins og ávallt er blaðið sneisafullt af áhugaverðu efni í bland við kynningar á nýjustu myndum bíóhúsanna í júlímánuði, sem og nýjum myndum sem gefnar verða út á DVD, Blu-ray og/eða VOD í mánuðinum.

Á forsíðum blaðsins eru tvær mjög spennandi en ólíkar kvikmyndir, sem margir hafa beðið eftir með mikilli eftirvæntingu. Annarsvegar er það endurgerð Disney á hinni sígildu teiknimynd Lion King, og hinsvegar er það nýja Spider-Man myndin, Spider-Man: Far from Home.

Lion King kemur í bíó 17. júlí nk. en Köngulóarmaðurinn kemur í bíó í dag, 3. júlí.

Einnig má í blaðinu sjá það nýjasta á tölvuleikjamarkaðnum og margt fleira, eins og stjörnuspá, gullkorn, bíófréttir, topplista og bíómiðaleik.

Smelltu hér til að lesa Myndir mánaðarins á kvikmyndir.is