Hrollvekjan The Circle, með íslensku leikkonunni Sesselíu Ólafsdóttur í einu aðalhlutverkanna, verður frumsýnd á hryllingsmyndahátíðinni Frostbiter á Akranesi nú á föstudaginn, 10. nóvember, og svo í Bíó paradís daginn eftir.
The Circle var tekin upp á Englandi og er í leikstjórn Peter Callow. Kvikmyndin var heimsfrumsýnd 26. október síðastliðinn í Prince Charles Cinema við Leicester Square í London, að því er segir í tilkynningu frá aðstandendum.
Söguþráður myndarinnar er í stuttu máli á þá leið að þegar náttúrufræðingurinn Paul Lockwood, sem Ross Noble leikur, er við rannsóknir á afvikinni skoskri eyju, þá uppgötvar hann hræðilegt leyndarmál.
Með í för eru fjórir nemar í fornleifafræði. Mikil spenna er á milli manna í hópnum, og ekki bætir úr skák þegar þau uppgötva aldagamala ráðgátu, sem ógnar lífi þeirra allra.
Áhugaverðir punktar til gamans:
-Peter Callow á að baki nokkrar heimildarmyndir sem hann vann fyrir ITV í Bretlandi og Channel Five.
-Hann hefur langað að leikstýra leikinni mynd í fullri lengd síðan hann var 11 ára gamall.
-Skólabróðir hans Scott O’Neill skrifaði handrit myndarinnar.
– 90% kvikmyndarinnar voru tekin utandyra
Sjáðu plakatið hér fyrir neðan og stiklu þar fyrir neðan:
