Í nýrri kitlu fyrir Spider-Man myndina Spider-Man: Homecoming, er Köngulóarmaðurinn kominn með vængi.
Í kitlunni þá sjáum við einnig Jon Favreau í hlutverki Happy Hogan, hins trausta yfirmanns öryggismála hjá Tony Stark, eða Iron Man öðru nafni.
Vængir hafa verið fastur liður í Spider-Man teiknimyndasögunum í gegnum árin, en hafa ekki sést áður í Spider-Man bíómyndum.
Í myndinni fer Tom Holland með hlutverk Spider-Man og Peter Parker, en aðrir helstu leikarar eru Robert Downey Jr., Zendaya, Michael Keaton, Donald Glover, Jacob Batalon og Marisa Tomei.
Jon Watts leikstýrir myndinni, sem er endurræsing á Spider-Man seríunni.
Stikla í fullri lengd er væntanleg á morgun.
Myndin kemur í bíó 21. Júlí á næsta ári.