Bond-myndir Moore: Frá verstu til bestu

Roger Moore er 89 ára í dag og af því tilefni hefur vefsíðan Loaded raðað Bond-myndunum hans sjö frá þeirri verstu til þeirrar bestu.

roger_moore_james_bond

7. Octopussy

„Það er engin spurning að Octopussy er slakasta Bond-mynd Moore. Það á segja að meiri fíflalæti hafi einkennnt Moore-tímabilið og kannski var atriðið þegar hann dulbjó sig sem trúð fullmikið af hinu góða.“

6. Moonraker

„James Bond í geimnum. Af hverju ekki? Moonraker var örugglega gerð til að græða á þeirri athygli sem Star Wars fékk nokkrum árum áður.“

5. For Your Eyes Only

„Það segir ýmislegt um For Your Eyes Only að hún er talin vera alvarlegasta Bond-mynd Moore. Til marks um það er í henni skíðaeltingaleikur á mótorhjóla- og bobsleðabraut! Söguþráðurinn í þessari mynd er mjög auðgleymanlegur en samt ekki of fáránlegur.“

4. Live and Let Die

„Þessi mynd sýndi að það var líf í Bond-vörumerkinu eftir brotthvarf Sean Connery. Skemmtileg mynd, jafnvel þótt söguþráðurinn sé óþarflega flókinn. Atriðið þegar Bond sleppur úr krókódílasíki stendur upp úr. Lag Paul McCartney & Wings – Live and Let Die er líka eitt besta Bond-lag allra tíma.“

3. A View to a Kill

„Það er erfitt að njóta ekki síðustu Bond-myndar Moore. Þarna eru illmennin líka leikin af Christopher Walken og Grace Jones.“

2The Man With the Golden Gun

„Kannski kemur það á óvart hversu ofarlega þessi mynd er á listanum. Því er þó ekki hægt að neita að The Man With the Golden Gun hefur sitt lítið af hverju. Flott njósnatæki, hið frábæra illmenni Scaramanga (Christopher Lee) og mörg ótrúleg áhættuatriði.“

1. The Spy Who Loved Me

„Þessi Bond-mynd var mikið sjónarspil. Atriðið með skíðastökkinu, bílinn sem getur breyst í kafbát og þarna var Moore líka upp á sitt besta.“