Tökur á Svaninum ganga vel – Nýjar ljósmyndir!

Tökur á Svaninum, nýrri íslenskri bíómynd eftir Ásu Hjörleifsdóttur sem gerð er eftir skáldsögu Guðbergs Bergssonar, hafa gengið vel. Myndin er að mestu leiti tekin upp á bóndabænum Ytra-Hvarfi í Svarfaðardal, en samkvæmt Marteini Knaran Ómarssyni, þá er sveitin nýtt vel og tekið er upp víða í dalnum.

„Tökum lýkur í ágúst. Við ferðumst suður í byrjun ágúst og skjótum aðeins í Grindavík. Það hefur margt skemmtilegt átt sér stað í tökunum. Við erum að vinna með húsdýr, hesta, hænur og beljur. Í myndinni fæðist kálfur og erum við að bíða eftir að ein kýrin hér í sveitinni beri. Það er ansi spennandi og það hefur verið krefjandi að skipuleggja tökur í kringum það. Heimamenn í dalnum hafa verið æðislegir og hjálpað okkur mikið við að gera þessa mynd að veruleika,“ sagði Marteinn í samtali við Kvikmyndir.is

Hér fyrir neðan eru nokkrar myndir frá tökustað í Svarfaðardalnum, en það var Gus Reed sem tók myndirnar. Á myndunum sjáum við meðal annars leikstjórann, Ásu, við störf, sem og Ingvar E. Sigurðsson og fleiri:

svanurinn 1 svanurinn 2 Svanurinn 3