Fyrsta stiklan úr Dawn of the Planet of the Apes kom út í dag, en með helstu hlutverk í myndinni fara þau Andy Serkis, Jason Clarke, Gary Oldman, Keri Russell, Toby Kebbell, Kodi Smit-McPhee, Enrique Murciano, Kirk Acevedo og Judy Greer.
Myndin segir frá því þegar sífellt stækkandi hópur af erfðabreyttum öpum undir stjórn Caesar, mætir nú andspyrnu frá hópi manna sem lifði af hinn stórhættulega vírus sem slapp út áratug fyrr. Þeir semja um vopnahlé, sem reynist verða skammlíft, þar sem báðir aðilar búa sig undir stríð sem mun ákvarða hvaða tegund muni verða ráðandi á Jörðinni í framtíðinni.
Dawn of the Planet of the Apes er framhald myndarinnar Rise of the Planet of the Apes frá 2011.
Leikstjóri myndarinnar er Matt Reeves. Frumsýning verður 7. júlí, 2014.
Sjáðu stikluna hér fyrir neðan:
