Keanu Reeves, hinn 46 ára gamli leikari sem þekktastur er fyrir leik sinn í Matrix þríleiknum, Speed og Bill and Ted myndunum í upphafi ferilsins, var gripinn glóðvolgur af MTV sjónvarpsstöðinni á kvikmyndahátíðinni í Toronto á dögunum, þar sem hann var spurður um sögusagnir um að gera eigi þriðju Bill & Ted myndina.
Reeves segir að áður en af því verði, verði að vera komið sæmilegt handrit, en greinilegt er að menn eru að velta þessu fyrir sér – nema Keanu sé bara að grínast.
Viðtalið má sjá hér að neðan:
