Keaton og Ryder í Beetlejuice 2

BeetlejuiceLeikaraliðið úr gamanmyndinni Beetlejuice hefur samþykkt að leika í framhaldsmyndinni Beetlejuice 2.

Leikstjórinn Tim Burton hefur staðfest að bæði Winona Ryder og Michal Keaton muni snúa aftur sem Lydia Deetz og Beetlejuice.

Orðrómur hefur verið uppi um gerð framhaldsmyndarinnar í fimm ár. Óvíst var hvort Keaton myndi snúa aftur en nú hefur það fengist staðfest. Tökur eiga að hefjast fljótlega.

„Myndin hefur fengið grænt ljós og og hefur verið samþykkt af fólkinu hjá Warner Bros.,“ sagði Burton, sem leikstýrði Beetlejuice sem kom út árið 1988 við góðar undirtektir.