Julie Andrews og Anne Hathaway eru nú sem stendur að leika saman í kvikmyndinni The Princess Diaries, undir leikstjórn Gary Marshall ( Runaway Bride , Pretty Woman ). Myndin fjallar um unga skólastúlku sem alist hefur upp hjá einstæðri móður sinni en kemst síðan að því að hún er prinsessa í litlu evrópsku landi og meðan hún tekur ákvörðun um það hvort hún eigi að taka við krúnunni fer hún í kennslustundir í prinsessufræðum hjá ömmu sinni. Músahúsið Disney framleiðir þessa mynd og búast má við viðkunnanlegri fjölskylduskemmtun.
