Ríkasta kona landsins – Fyrsta stikla úr The Boss!

Fyrsta stiklan er komin út fyrir nýjustu mynd gamanleikkonunnar Melissa McCarthy, The Boss.

Myndin fjallar um athafnakonuna Michelle, persónu sem McCarthy bjó til þegar hún vann með Groundlings grínhópnum í Los Angeles fyrir um áratug síðan.

mellissa

Michelle er auðugasta kona Bandaríkjanna, en er send í fangelsi fyrir innherjaviðskipti. Þegar hún sleppur úr grjótinu þá reynir hún að ná sér aftur á strik, en það erfitt þegar þú varst búin að stíga á tær allra í kringum þig þegar þú varst að brjóta þér leið á toppinn í fyrra skiptið.

Aðrir helstu leikarar eru Kristen Bell, Peter Dinklage, Kathy Bates, Kristen Schaal og Timothy Simons.

Leikstjóri myndarinnar er eiginmaður McCarthy, Ben Falcone, rétt eins og í mynd McCarthy frá því í fyrra, Tammy.

Myndin kemur í bíó í Bandaríkjunum 8. apríl nk.

Sjáðu stikluna hér fyrir neðan: