Ný stikla úr Ant-Man

ant-manNý stikla í fullri lengd úr ofurhetjumyndinni Ant-Man var opinberuð í dag. Paul Rudd, sem þekktur er úr Anchorman-myndunum og I Love You Man leikur Scott Lang, sem einnig er Ant-Man.

Lang kom fyrst fram í myndasögu frá Marvel árið 1979 og var önnur persónan sem notaðist við ofurhetjunafnið Ant-Man. Vísindamaðurinn Hank Pym var fyrstur í röðinni til þess að notast við nafnið og fer leikarinn Michael Douglas með hlutverk hans í myndinni.

Með önnur hlutverk í myndinni fara David Dastmalchian, Evangeline Lilly og Corey Stoll. Myndinni er leikstýrt af Peyton Reed sem áður hefur leikstýrt myndum á borð við Yes Man, The Break-Up og Down With Love.

Hér að neðan má sjá stikluna úr myndinni.