Framleiðslufyrirtækið True Crime hefur höfðað mál gegn leikkonunni Anne Greene fyrir að neita að sýna á sér brjóstin fyrir þættina Femme Fatales og gæti hún þurft að greiða 85.000 Bandaríkjadala, eða rúmar 9 milljónir íslenskra króna, fyrir brot á samningi.
Samkvæmt The Hollywood Reporter þá ku Greene að hafa sent inn kvörtun til framleiðslufyrirtækjanna Time Warner, HBO, Cinemax og True Crime þar sem hún greinir ítarlega frá kynferðislegri misnotkun á hendur sér. Fljótlega eftir að kvörtunin kom á borð til True Crime þá höfðuðu þeir mál gegn henni á móti.
Greene átti að hafa skrifað undir samning þar sem henni var gert grein fyrir senunni og að hún þyrfti að koma nakin fram, þegar það átti svo að fara að mynda senuna þá vildi Greene ekki sýna á sér brjóstin. Á endanum fékk Greene dulur sem voru festar á geirvörtur hennar. Það dugði ekki til og framleiðslufyrirtækið þurfti því að taka atriðið upp á nýtt með annarri konu.
True Crime vill meina að ef Greene hafi seinkað tökum á þáttunum og að mikið fjárhagslegt tjón hafi orðið vegna þess.
Anne Greene hefur áður komið fram í kvikmyndinni Saw 3D og stuttmyndinni The Sad Guy.