Scarlett með byssu í Lucy

Fyrsta sýnishornið úr nýjustu mynd Luc Besson, Lucy, var sýnt á kvikmyndaráðstefnunni CinemaCon í Las Vegas.

scarlett

Í myndinni leikur Scarlett Johansson burðardýr sem breytist í umbreytist í mikla bardagahetju sem finnur ekki til sársauka og tilfinninga þegar eiturlyfið sem hún reyndi að smygla innvortis kemst óvart inn í blóðrás hennar.

Áhorfendur á CinemaCon hrifust af þessu fyrsta sýnishorni og núna hefur Entertainment Weekly birt fyrstu ljósmyndina af Johansson í aðalhlutverkinu.

Morgan Freeman og Analeigh Tipton leika einnig stór hlutverk í Lucy, sem verður frumsýnd í Norður-Ameríku í ágúst.

Frakkinn Luc Besson leikstýrði síðast The Family en á að baki gullmola á borð við The Fifth Element, Leon og La Femme Nikita.