Þegar það kemur að því að stórkostlegasti glæpur Íslands sé í uppsliglingu, þá eru aðeins tveir menn sem geta bjargað málunum. Hinir alræmdu Harry og Heimir snúa á hvíta tjaldið eftir að hafa skemmt landanum á sviði og í útvarpi í mörg ár.
Fyrsta stiklan úr myndinni var frumsýnd á vísir.is í dag. Gert er grín að dramatískum atriðum sem skapast oft í kvikmyndum og snúið út úr þeim. Einnig má sjá beina líkingu við atriði úr kvikmyndinni Basic Instict. Á milli þess eru sprengingar, erótík og dramatík undirstöðuatriðin.
Harry og Heimir: Morð eru til alls fyrst fjallar um einkaspæjarana Harry og Heimi. Þokkadísin Díana Klein leitar ásjár hjá einkaspæjurunum útaf því að faðir hennar, sem er veðurathugunarmaður á Regingnípu, virðist hafa horfið sporlaust. Harrý og Heimir leggja því í leiðangur upp á hálendið og tekst að stöðva svívirðilegt samsæri danskra skíðaáhugamanna um að stela íslenska hálendinu og flytja það úr landi.