Kick-Ass verður Quicksilver

quicksilverKick-Ass leikarinn breski, Aaron Taylor – Johnson, 23 ára, hefur samkvæmt vefmiðlinum The Wrap, verið staðfestur í hlutverk Pietro Maximoff, betur þekktur sem Quicksilver, í Marvel myndinni Avengers: Age of Ultron.

The Wrap hefur þetta eftir aðila sem tengist myndinni.

Samningar tókust samkvæmt vefsíðunni í dag miðvikudag, en tökur myndarinnar skarast á við tökur annarrar myndar sem hann er að leika í, Godzilla.

Á tímabili var óljóst hvort að þetta myndi gera það að verkum að hann gæti ekki leikið í Avengers: Age of Ultron, en nú hefur þessu máli verið reddað.

Marvel fyrirtækið tjáir sig ekki.

Taylor-Johnson hefur verið efstur á óskalista Marvel fyrir hlutverkið síðan í júní sl.

Quicksilver er önnur af tveimur nýjum persónum sem Joss Whedon leikstjóri hyggst bæta  í seríuna, en hin er Scarlet Witch.

Quicksilver og Scarlet Witch eru tvíburar, börn Magneto.

Quicksilver býr yfir ofurmannlegum hraða. Elizabeth Olsen mun leika tvíburasystur hans, Scarlet Witch.

Aðrir leikarar í myndinni eru m.a. Robert Downey Jr, Chris Hemsworth, Chris Evans, Mark Ruffalo and Jeremy Renner, Scarlett Johansson, Samuel L. Jackson og James Spader.

Myndin kemur í bíó 1. maí, 2015.