Ný Tomb Raider-mynd á leiðinni

Kvikmyndaverið Metro Goldwyn-Mayer hefur ákveðið að endurræsa Tomb Raider-seríuna, áratug eftir að síðasta mynd kom út.

Þetta var tilkynnt á Facebook-síðu fyrirtækisins.

Tvær Tomb Raider-myndir voru gerðar með Angelinu Jolie í aðalhlutverki og komu þær út 2001 og 2003. Ólíklegt þykir að Jolie snúi aftur í hlutverki Löru Croft.

Fyrri myndin, Lara Croft: Tomb Raider, er tekjuhæsta mynd byggð á tölvuleik sem komið hefur út í Bandaríkjunum og sú þriðja tekjuhæsta á heimsvísu.