Leikstjóri Anchorman 2. Adam McKay, hefur tilkynnt á Twitter síðu sinni að gamanleikkonan Kristen Wiig muni leika í Anchorman 2, en orðrómur hafði heyrst um þátttöku hennar í desember sl.
Eins og flestir ættu að vita leikur gamanleikarinn Will Ferrell aðalhlutverkið í Anchorman myndunum, fréttamanninn Ron Burgundy. Ferrell og Wiig, sem bæði urðu fræg í gegnum leik sinn í Saturday Night Live sjónvarpsþáttunum, hafa aðeins einu sinni unnið saman í bíómynd, en það var í myndinni Semi Pro frá árinu 2008, en þá var Wig í litlu hlutverki.
Það lítur út fyrir að núna verði Kristen Wiig í stærra hlutverki þó ekkert hafi enn verið látið uppi um hvaða hlutverk hún muni leika. Heyrst hefur þó að hún muni verða kærasta persónu Steve Carell, sem leikur veðurfréttamanninn Brick Tamland í myndinni, en það er óstaðfest.
Aðrir leikarar sem eru staðfestir í myndinni eru þau David Koechner, Paul Rudd og Christina Applegate en ekki hefur enn heyrst hvort að Fred Willard, Fred Armisen, Chris Parnell og fleiri verði með
Til að hita aðeins upp þá geta menn séð þau Kristen Wiig og Will Ferrell hér að kynna saman á Golden Globe verðlaunahátíðinni í janúar.