Tíunda Star Trek myndin mun fljótlega fara í framleiðslu, og verður að öllum líkindum seinasta Trek myndin með leikurunum úr Next Generation þáttunum. Mun myndin bera undirtitilinn Nemesis, og verður líklega leikstýrt af Stuart Baird ( U.S. Marshals , Executive Decision ). Söguþráðurinn er ekki ljós enn, en myndin mun verða dimmari og drungalegri en sú síðasta. Þá er spurningin, verða nýju Star Trek þættirnir með Scott Bakula ( American Beauty ) nógu vinsælir til þess að fleiri myndir verði gerðar á eftir þessari eða verður hinn ævaforni William Shatner að snúa aftur úr útlegð til að halda hinu aldna vörumerki á lofti.
