Superman-leikkonu skipt út

Það þykir mjög sjaldgæft að breyta um leikara þegar mynd er komin svona langt á leið í framleiðslu en það virðist ætla að koma fyrir í nýjustu mynd Zacks Snyder, Superman: Man of Steel.

Það er ekki nákvæmlega vitað hvað olli þessum breytingum en upphaflega stóð til að leikkonan Julia Ormond færi með hlutverk móður hetjunnar í Krypton-senunum en nú hefur henni verið skipt út fyrir Ayelet Zurer, sem einhverjir þekkja sennilega úr Angels & Demons, Vantage Point og Munich (kona Erics Bana í myndinni).

Þar sem móðir Ofurmennisins kemur aldrei neitt svakalega mikið fram í myndunum sjálfum þykir þessi breyting ekki valda of miklum usla í framleiðsluni, en þetta er engu að síður óvenjulegt.

Myndin lítur svo dagsins ljós á þarnæsta ári.