Verður Worthington síðasti glæpamaðurinn?

Leikstjórinn F. Gary Gray, sem gaf seinast frá sér spennumyndina Law Abiding Citizen, vinnur nú hörðum höndum að myndinni The Last Days of American Crime. Myndin er byggð á samnefndri myndasögu og gerist í náinni framtíð þar sem ríkisstjórnin hefur samþykkt lög sem gera þeim kleift að notast við heilaþvott til að koma í veg fyrir glæpi og ofbeldishneigð.

Hasarhetjan Sam Worthingon færi með hlutverk atvinnuglæpamanns sem ákveður að fremja stærsta rán ferils síns deginum áður en lögin eru tekin í gildi, og yrði hann því allra síðasti glæpamaður í sögu Bandaríkjanna.