Góði Rock vill leika í Expendables 2


Hinn vöðvastælti en geðþekki leikari, Dwayne Johnson, betur þekktur sem The Rock, sem er einna best þekktur fyrir hlutverk sín í myndum eins og The Scorpion King og Doom hefur áhuga á að vera með Sylvester Stallone og köppum hans í næstu Expendables mynd, en eingöngu ef að handritið er nógu gott.
Hann segir: „Þetta fer allt eftir handritinu. Ég hef þekkt Sly lengi og við erum góðir félagar, þannig að þetta fer allt eftir hvaða efni við höfum til að vinna með.“
Þó að Johnson hafi ákveðna harðhausa ímynd, þá er þessi fyrrum fjöbragðaglímukappi jarðbundinn og vill bara vera góður við alla.
„Það er ekki einungis það að mér finnist auðvelt að vera góður og vinalegur, heldur finnst mér það mikilvægt. Það er auðvelt að vera töffari, og auðvelt að látast vera töffari, það er líka auðvelt að vera díva og endalaust upptekinn af sjálfum sér. Mér finnst bara alltaf mikilvægara að vera bara góður.“