Alvin og krúttlegu félagarnir hans fimm eru mættir aftur til leiks og hafa aldrei verið hressari, kátari, stríðnari og hræddari.

Í þetta sinn lenda Alvin og félagar hans í sínu stórkostlegasta ævintýri til þessa þegar Dave, velgjörðarmaður þeirra, ákveður að bjóða þeim með í siglingu um suðræn höf á lúxussnekkju. Gamanið kárnar hins vegar þegar leikur Alvins og hinna íkornanna með flugdreka einn, stóran og mikinn, endar með því að hann sviptir þeim fyrir borð og lendir ekki fyrr en lúxussnekkjan er horfin út í buskann. Sem betur fer fyrir íkornana komast þeir upp á eyju sem í fyrstu virðist í eyði. Þar með hefst ævintýri númer tvö í einni og sömu myndinni en vandamálið í þetta sinn er að það er ekki víst að Alvin og hinir íkornarnir eigi nokkurn tíma eftir að komast heim aftur.