Sherlock Holmes
Bönnuð innan 12 áraÍ myndinni er ofbeldi
Myndin getur valdið ótta hjá eða er ógnvekjandi fyrir ung börn
SpennumyndSpennutryllirGlæpamyndÆvintýramyndRáðgáta

Sherlock Holmes 2009

Frumsýnd: 15. janúar 2010

Holmes for the Holiday.

7.6 555877 atkv.Rotten tomatoes einkunn 70% Critics 7/10
130 MÍN

Downey leikur spæjarann Holmes og Law fer með hlutverk aðstoðarmannsins Watson, sem er læknir og fyrrum hermaður og hefur oft komið Holmes úr klípu. Rachel McAdams leikur Irene Adler, stórhættulegan kvenspæjara frá New Jersey sem gefur Holmes ekkert eftir í gáfum og snilli og hefur lengi verið stirt á milli þeirra tveggja vegna þess. Hins vegar neyðist hún... Lesa meira

Downey leikur spæjarann Holmes og Law fer með hlutverk aðstoðarmannsins Watson, sem er læknir og fyrrum hermaður og hefur oft komið Holmes úr klípu. Rachel McAdams leikur Irene Adler, stórhættulegan kvenspæjara frá New Jersey sem gefur Holmes ekkert eftir í gáfum og snilli og hefur lengi verið stirt á milli þeirra tveggja vegna þess. Hins vegar neyðist hún til að leita til Holmes og Watson til að hjálpa sér við mál sem er mun flóknara en svo að ein manneskja geti leyst það, en þegar þau hella sér af fullum krafti í rannsóknina komast þau að skuggalegum áformum hins dularfulla, snjalla og stórhættulega Blackwood (Mark Strong), sem virðast geta ógnað framtíð alls Englands ef þau ganga upp. ... minna

Aðalleikarar

Robert Downey Jr.

Sherlock Holmes

Jude Law

Dr. John Watson

Rachel McAdams

Irene Adler

Mark Strong

Lord Blackwood

Eddie Marsan

Inspector Lestrade

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (6)

Sherlock Holmes
Dúndur góð mynd hér á ferðinni. Robert Downey JR og Jude Law skarta sýnu besta í þessari frábæru mynd. Hasar-Spenna og Ást. Mér leiddist sko alls ekkert á þessari mynd enda frábær í alla staði.
Fannst þér gagnrýnin hjálpleg? Nei
Tveir þumlar upp
Guy Ritchie er frekar mistækur leikstjóri, myndirnar hans hafa verið misjafnar en Rock'n Rolla er sú allra versta. Gaman er að sjá að hann hefur bætt sig eftir þá hörmung með þessari afbragðsgóðu grínspennumynd um hinn góðkunna einkaspæjara Sherlock Holmes. Snilldarleikarinn Robert Downey Jr fer með það hlutverk og þó að Jude Law á ágætis spretti sem Dr Watson þá er Downey svoleiðis miklu betri. Myndin gerist í London á 19. öldinni þar sem félagar okkar eltast við illmennið Blackwood(Mark Strong) sem hefur risið upp frá dauðum og nú reiðir á kænsku og rannsóknir til að bjarga deginum. Það verður ekki tekið frá þessari mynd að hún er mjög gáfuð og snjöll og handritið mjög vandað allavega að flestu leyti. Mark Strong er reyndar hálf tilgerðarlegur sem Blackwood og ekki nógu eftirminnilegur, það hefði mátt gera meira með þann karakter. Myndin vill oft vera fyndin en nær því ekki alltaf. En þegar uppi er staðið er Sherlock Holmes bara mjög sniðug og svöl mynd og Robert Downey Jr á alveg prýðisgóða frammistöðu. Ég segi þrjár stjörnur á Sherlock Holmes, mæli með henni.
Fannst þér gagnrýnin hjálpleg? Nei
Góð mynd, frábær endir
Sherlock Holmes er án efa einn þekktasti spæjari allra tíma. Ég fékk áfall þegar frændi minn vissi ekki hver hann var svo að við fórum á myndina. Hún er mjög skemmtileg og vel gerð og er hún að setja Guy Ritchie á hærri stall.

Hún gerist í London á 19. öld þar sem oft eru vandamál en þau eru fá sem Sherlock Holmes (Robert Downey Jr.) getur ekki leyst. Hann hefur alltaf unnið með vini sínum John (Jude Law) lækni og lögreglunni. Sagan dregur upp mjög jákvæða mynd af löggunni sem í þetta sinn er með hetjunni.
En þannig er að Sherlock lokar sig af frá umheiminum um tíma og fer ekki út úr húsi í 2 vikur. Þá segir John við hann að hann verði að fara aftur að vinna. Þá kemur kona, Irene Adler (Rachel McAdams) sem hann þekkir úr fortíðinni til hans með mál sem hann þarf að leysa, sem er að finna mann sem á að hafa verið í tengslum við Lord Blackwood. Lord Blackwood var raðmorðingji sem myrti 5 næstum því sex stelpur og var dæmdur og búið var að hengja hann. En þegar Lord Blackwood rís frá dauðum fer Sherlock Holmes í málið. Hann leysir það á skemmtilegan og ófyrirsjáanlegan hátt þar sem hver og einn er að blekkja hvern annan.

Robert Downey Jr. fékk golden globe verðlaunin fyrir leik sinn og er hann stórskemmtilegur eins og oftast í þessu hlutverki. Jude Law og Rachel McAdams voru þó ekkert að skara fram úr að þessu sinni.
Tæknin er ekki eins og venjulega en var hún mjög flott og dró alveg fram 19. aldar gráu London. Þetta var mjög skemmtileg sakamálamynd sem að allir geta haft gaman af.
Fannst þér gagnrýnin hjálpleg? Nei
Góð en bjóst alltaf við fl.
Jæja fyrst var það Snatch svo RocknRolla og nú Sherlock Holmes. Ef ég verð nú að koma hreinskilnislega hvað mér finnst um leikstjórann Guy Ritchie þá hefur sá maður aldrei verið í miklum metum hjá mér. Hann á hinsvegar nú 3 góðar kvikmyndir þessar fyrr nefnu hérna sem gagngrýnendur um allan heim eru einfaldlega að dást af. Fyrir mér fannst mér Snatch aldrei neitt sérstök og náði ég aldrei að koma mér nógu vel inní þá mynd. Hvað þá RocknRolla varðar þá tókst mér nú að binda heldur betur miklar væntingar til þá kvikmyndar en líkt og Snatch komst ég aldrei í takt við söguþráðinn eða einhvað því tengdu sem kom myndini við.

En Sherlock Holmes fannst mér nokkuð góð og náði ég nú að hafa ágætlega gaman af henni með fínum húmor og flottum slagsmálasenum(þó maður hefði viljað sjá meir af þeim). Myndin byrjar mjög vel og hendir manni strax inní efnið sem er mjög ánægjulegt og tókst manni að halda sér við myndina nánast allveg frá A-Ö.

Nú Tvíeykið er ekki týnt upp úr ruslagámnum og finnst mér Guy Richie hafa valið rétta menn í hlutverkin þá Robert Downey Jr. og Jude Law. Downey Jr. leikur Holmes sjálfann eins og hvað flestir vita og kemur hann því hlutverki frá sér frábærlega. Jude Law sem hjálparhellan eða læknirinn eins og hann kallar sig er helvíti fínn í sínu hlutverki og svo höfum við Rachel McAdams sem skilar sínu perfect verð ég að segja.

Semsagt flott mynd í alla staði og loks mynd frá Guy Richie sem gat haldið manni við efnið og skemmt sér soldið yfir.

Að segja að Sherlock Holmes sé frábær kvikmynd er svo sem sjálfssagt en fyrir mér þá skríður hún rétt í 7una. Hún hefur uppá að bjóða flotta leikara og ágætis sögu og allt eftir því en mér fannst vanta alltaf meiri hasa og einhvað örlítið til þess að krydda uppá hana þá hefð hún orðið Frábær.

7/10 segi ég.
Fannst þér gagnrýnin hjálpleg? Nei
Ritchie stóð fyrir sínu.
Sem mikill Guy Ritchie aðdáandi þá fannst mér erfitt að gera mér ekki svolitlar væntingar til myndinnar. Hann stóð sig nú þó nokkuð vel með RocknRolla en Sherlock Holmes er það besta sem hann hefur gert eftir Madonnu hef ég trú á. Ef þú fílaðir Lock Stock og Snatch þá finnst mér ólíklegt að þú verðir svikinn af Sherlock Holmes, maður finnur fyrir stílnum hans Ritchie í myndinni, klárlega.

Leikaravalið er heldur ekki amalegt, frábært að sjá Robert Downey Jr. vera gera svona góða hluti, hann túlkar Sherlock á mjög skemmtilegan hátt og gerir úr Sherlock frábæran karakter, hann og 'Sidekick-ið ' hans Sherlocks, Dr. Watson ( Jude Law ) mynda frábært tvíeyki sem maður getur ekki haft annað en gaman að og ótrúlegt hvað Jude Law tekst að láta Downey skyggja ekki á sig eins og maður býst svolítið við þar sem Downey er rosalegur . Það er hálf erfitt að líka illa við Mark Strong í hlutverki sínu af því hann er einfaldlega of svalur eins og þeir vita kannski sem hafa séð hann sem Archy í RocknRolla. Þó skilaði hann hlutverki sínum sem vondi gæinn mjög vel. Leikararnir stóðu sig bara yfir höfuð vel!

Myndin sjálf inniheldur góðan söguþráð sem býður upp á margt skemmtilegt og heldur manni við efnið. Húmorinn var alls ekki síðri, stóð fyrir sínu og var í góðu magni. Ég bjóst þó við meiri hasarsenum þar sem mér þótti sýnishornið gefa það eitthvað til kynna en þau voru færri en ég hélt en þrátt fyrir það voru þær líka betri en ég hélt og að hafa ekki of mikið af hasarsenum fer líka myndinni mikið betur tel ég.

Ef þú ert að leita að góðri skemmtun, sérstaklega ef þú þekkir til Guy Ritchie (þótt hann hafi ekki skrifað handritið reyndar ) þá er Sherlock Holmes myndin, hún er enginn ' Detective ' þáttur á stöð eitt en heldur ekkert ýkt eins og CSI. Hún er fullkomin blanda sem fer aldrei of langt í aðra hvora af þessum áttum heldur í sína eigin.

8/10
Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn