Jón Oddur og Jón Bjarni 1981
(The Twins)
Frumsýnd: 26. desember 1981
Tvíburarnir Jón Oddur og Jón Bjarni eru ósköp venjulegir frískir strákhnokkar. Stundum eiga þeir til að vera ansi uppátektarsamir og jafnvel óþekkir en með barnslegu sakleysi sínu bræða þeir auðveldlega hvers manns hjarta. Í fjölskyldunni eru einnig Anna Jóna hálfsystir sem er illa haldin af "unglingaveikinni" og Magga litla systir sem á í mesta basli með... Lesa meira
Tvíburarnir Jón Oddur og Jón Bjarni eru ósköp venjulegir frískir strákhnokkar. Stundum eiga þeir til að vera ansi uppátektarsamir og jafnvel óþekkir en með barnslegu sakleysi sínu bræða þeir auðveldlega hvers manns hjarta. Í fjölskyldunni eru einnig Anna Jóna hálfsystir sem er illa haldin af "unglingaveikinni" og Magga litla systir sem á í mesta basli með koppinn sinn. Soffía ráðskona er einnig ómissandi hluti fjölskyldunnar en hún gætir drengjanna meðan foreldrarnir eru í vinnunni. En þótt þeir bræður séu svo lánsamir að eiga góða fjölskyldu eru það ekki allir. Jói hrekkjusvín sem býr á hæðinni fyrir neðan er ekki öfundsverður þegar móðir hans er að skammast og rífast í honum. Kannski væri hann ekki svona mikið hrekkjusvín ef hann hefði fengið öðruvísi uppeldi. Margar skemmtilegar persónur koma einnig við sögu, s.s. Lárus sem er vinur tvíburanna, Selma systir hans og margar fleiri. Myndin fjallar um það þegar bræðurnir laumast burt úr sumarbúðum með tveimur vinum sínum og lenda þeir í fjölda ævintýra. Þeir komast hins vegar að því að þeir eru ekki einir í heiminum.... minna
Aðalleikarar
Leikstjórn
Ari er með hlaupabólu og við feðgarnir höfum verið að kíkja á nokkrar myndir saman upp á síðkastið. Við horfðum á þessa í gær, alveg þvílíkt langt síðan ég hafði séð hana. Mér fannt mest gaman að sjá Vesturbæinn og Seltjarnarnesið árið 1981. Mýrarnar voru auðar, engin Þjóðarbókhlaða og bara frekar tómlegt. Einu góðæri síðar og það er allt annað að sjá pleisið. Myndin er byggð á bók Guðrúnar Helgadóttur og Egill Ólafsson sér um tónlistina auk þess að leika pabba strákanna. Myndin hefur kannski ekki elst of vel en hún virkaði eins og tímavél á mig. Ari hafð gaman af prakkarastrikum bræðranna og mér fannst gaman að sjá frumraun eins af okkar bestu leikstjórum.
Um myndina
Leikstjórn
Handrit
Þráinn Bertelsson, Guðrún Helgadóttir
Framleiðandi
Nordan 8 Ltd.
Frumsýnd á Íslandi:
26. desember 1981
