The Breakfast Club 1985
They only met once, but it changed their lives forever.
Fyrir utan það að vera í sama bekk í Shermer miðskólanum í Shermer, Illinois, þá eiga þau Claire Standish, Andrew Clark, John Bender, Brian Johnson og Allison Reynolds fátt sameiginlegt, en einnig eru þarna þau Claire og Andrew, sem eiga engin samskipti við aðra nemendur. Claire er prinsessan og Andrew er íþróttagaurinn, John er glæpamaðurinn, Brian er heilinn,... Lesa meira
Fyrir utan það að vera í sama bekk í Shermer miðskólanum í Shermer, Illinois, þá eiga þau Claire Standish, Andrew Clark, John Bender, Brian Johnson og Allison Reynolds fátt sameiginlegt, en einnig eru þarna þau Claire og Andrew, sem eiga engin samskipti við aðra nemendur. Claire er prinsessan og Andrew er íþróttagaurinn, John er glæpamaðurinn, Brian er heilinn, og Allison er skrýtna stelpan. En það eina sem sameinar þau núna er að þau þurfa að sitja eftir í níu klukkustundir í bókasafni skólans laugardaginn 24. mars, 1984, undir stjórn Hr. Vernon, sem stjórnar þeim frá skrifstofunni hinum megin við ganginn. Hvert þeirra á að skrifa ritgerð sem á að vera að lágmarki eitt þúsund orð um hver þau halda að þau séu. Í fyrstu, ef þau skrifa þá nokkuð, mætti ætla að þau skrifuðu um það hvernig heimurinn sæi þau, og hvað þau hafa verið heilaþvegin í að trúa um sjálf sig. En byggt á þeim ævintýrum sem þau lenda í þessa níu tíma, þá munu þau sjá sjálf sig í algjörlega nýju ljósi.... minna
Aðalleikarar
Leikstjórn
Handrit
Breakfast club fjallar um fimm ólíka unlinga Andrew íþróttahetjuna; Brian, nördan; John, vandræðaungling; Claire, vinsælu stelpuna og Allison skrýtnu vinalausu stelpuna. Á yfirborðinu virðast þau ekki eiga neitt sameiginlegt nema það að þau gerðu öll eitthvað af sér og urðu því að sitja í eftirsetu heilan dag og skrifa um það sem þau lærðu af því. Kennarinn skilur þau eftir á bókasafni skólans og leiðist þeim mjög því þau eiga að þegja. En þegar þau byrja að tala saman þá komast þau að því að þau eiga margt sameiginlegt meðal annars það að þola ekki foreldra sína. Á meðan myndinni stendur þá kemst maður líka að því hvers vegna þau eru öll í eftirsetju og það tengir þau öll. Þau rífast og þræta en verða líka ágætis kunningjar í þessari eftirsetu og getur margt spennandi gerst á einum degi.
Þegar myndin kom út varð hún strax ein af unglingamyndunum sem að maður verður að sjá og er ég kannski ekki alveg sammála því. Hún er skemmtileg og er vel þess virði að sjá en hentar kannski ekki öllum sérstaklega þeim sem vilja mikinn hasar og ofbeldi.
The Breakfast club gerist á laugardegi að vori til árið 1984 í gagnfræðiskóla í Shermer Illinois og aðalsöguhetjurnar eru fimm ólíkir unglingar(Judd Nelson, Emilio Estevez, Molly Ringwald, Anthony Michael Hall, Ally Sheedy) sem þurfa að verja níu klukkutímum í eftirsetu. Þau kynnast hvert öðru, deila sorgum sínum og gleði og um kvöldið eru þau búin að stofna Morgunverðarklúbbinn. Það er heilmargt jákvætt hægt að segja um þessa mynd. Hún tollir vel saman á smellnum samtölum og eighties lúkkið gefur henni talsverðan sjarma. Unglingarnir leika öll frábærlega en samt er Ally Sheedy að mínu mati eftirminnilegust enda leikur hún furðulegasta karakterinn. The Breakfast club er í sjálfu sér ekki mikil gamanmynd þó annað mætti halda. Hún verkar fremur sem kraftmikil melódrama og sýnir að vandamál unglinga þarf ekkert endilega að tengjast vímuefnum. Hún nær þó ekki alveg fjórum stjörnum en það er bara vegna þess hversu óþarft það er að láta Alison(Sheedy) breytast til hins verra undir lokin. Jæja, frábær mynd samt sem fær hiklaust þrjár og hálfa stjörnu. John Hughes leikstjóri á að baki margar myndir og er þessi með því betra sem hann hefur gert.
Um myndina
Leikstjórn
Handrit
Framleiðandi
Universal Pictures
Vefsíða:
www.youtube.com/watch?v=Z2WZrxuwDhs
Aldur USA:
R