Cellular
Bönnuð innan 16 áraÍ myndinni er ofbeldi
Í myndinni er sýnd nekt og/eða þar er að finna kynferðislega hegðun eða tilvísanir
Í myndinni er ljótt orðbragð
SpennumyndDramaSpennutryllirGlæpamyndÆvintýramynd

Cellular 2004

Frumsýnd: 8. október 2004

If the signal dies so does she.

6.5 89221 atkv.Rotten tomatoes einkunn 55% Critics 6/10
94 MÍN

Konu er rænt þar sem hún er stödd heima hjá sér og farið er með hana í burtu og hún læst inni í herbergi. Það er sími í herberginu en áður en hún getur notað hann þá brýtur ræningi hennar símann. Hún reynir að lappa upp á hann og tekst að fá són, en getur ekki hringt úr honum. Hún nær samt sambandi við ungan brimbrettamann. Þegar hún segir honum... Lesa meira

Konu er rænt þar sem hún er stödd heima hjá sér og farið er með hana í burtu og hún læst inni í herbergi. Það er sími í herberginu en áður en hún getur notað hann þá brýtur ræningi hennar símann. Hún reynir að lappa upp á hann og tekst að fá són, en getur ekki hringt úr honum. Hún nær samt sambandi við ungan brimbrettamann. Þegar hún segir honum að sér hafi verið rænt, þá trúir hann henni ekki, eða er sama um vandræðin sem hún er í, en fer samt til lögreglunnar til að tilkynna um glæpinn. Þegar hann kemur á lögreglustöðina þá þarf hann að bíða eftir afgreiðslu og heyrir þá samtal konunnar við mannræningjann og kemst að því að fjölskylda hennar er í hættu þannig að hann reynir að hjálpa þeim, en í leiðinni gerir hann margt sem fær lögregluna til að halda að hann sé sjálfur glæpamaður, eða klikkaður; eins og þegar hann stelur bíl eða tekur upp byssu á almannafæri.... minna

Aðalleikarar

Chris Evans

Ryan Hewitt

Kim Basinger

Jessica Martin

William H. Macy

Sgt. Bob Mooney

Will Beinbrink

Young Security Guard

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (5)


Cellular kemur verulega á óvart. Þetta er mynd sem þarf ekki að hafa gott handrit, persónusköpun og einhver frumlegheit. Það eina sem hún þarf að hafa er nógu stóran skammt af spennu og hafa hraðann í lagi, og eru einmitt þessi þættir sýndir mjög vel í Cellular. Skil ekki hvernig Kvikmyndir.com gat rakkað þessa mynd niður, því mér og öðrum hér erum á því að hún er fínasta skemmtun og tilvalin spennumynd sem allir geta skemmt sér konunglega yfir.
Fannst þér gagnrýnin hjálpleg? Nei

Ekkert nema farsímaauglýsing á ferð hérna, ágætis spenna í byrjun sem hægt og rólega fjarar út. Mæli ekki með þessari.
Fannst þér gagnrýnin hjálpleg? Nei

Ekki bjóst ég við miklu af þessari mynd. En þrátt fyrir að leikararnir séu ekki að brillera þá er þessi mynd hin fínasta spennumynd og get ég því mælt með þessari ræmu
Fannst þér gagnrýnin hjálpleg? Nei
Farsímaútgáfan af Phone Booth
Cellular er skotheld spennumynd sem fer af stað frá fyrstu mínútu og tekst að halda á floti skemmtilegri, hraðri og hörkuspennandi atburðarás út alla lengdina.

Myndin er líka í léttari kantinum þannig að aldrei er langt á milli gríns (hver kannast t.d. ekki við það að lenda í leiðindum þeirra sem keyra og tala í farsíma samtímis?). Leikaraval er sömuleiðis mjög gott og standa allir sig með ágætum. Chris Evans er þarna með mestan skjátímann og nær hann að sanna sig sem efnilegan leikara, a.m.k. þegar svona mynd er að ræða og því verður mjög fróðlegt að sjá hann í Fantasic Four á næsta ári. William H. Macy, Kim Basinger, Noah Emmerich og Jason Statham fylla síðan vel upp í rest.

Leikstjórinn David R. Ellis (Final Destination 2) gerir líka gott úr þessu handriti. Hann keyrir myndina á svo miklum hraða að áhorfandinn fær varla tíma til að spá í trúverðugleika eða velta sér upp úr einhverri persónusköpun, og með þessu gerir hann myndina á köflum virkilega spennandi. Cellular er ekta kvöldbíó eins og þau gerast best, og ég þori næstum að bóka það að hver sá sem hafði gaman af Speed og/eða Phone Booth mun mjög líklega fíla þessa í botn.

7/10

Fannst þér gagnrýnin hjálpleg? Nei

Ég verð nú að segja að ég bjóst ekki við miklu þegar ég rambaði inná þessa mynd fyrir hálfgerða tilviljun. Það er kannski best að fara í kvikmyndahús þannig, án væntinga. Allavegana skemmti ég mér konunglega yfir þessari mynd. Engin Óskarsverðlaun þarna en sem afþreyjingarmynd fær hún mína hæstu einkun. Skemtilegur hasar, fínn leikur, flottar fléttur og soldið svona nýjar hugmyndir þarna sem líta dagsins ljós, allt sem svona mynd þarf að hafa.
Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn