Two Weeks Notice
Öllum leyfð
GamanmyndRómantísk

Two Weeks Notice 2002

Frumsýnd: 14. febrúar 2003

A comedy about love at last glance.

6.1 100230 atkv.Rotten tomatoes einkunn 42% Critics 6/10
101 MÍN

Lucy Kelson er yfirlögfræðingur Wade Corporation stórfyrirtækisins, sem er einn stærsti verktakinn í New York borg. Hún er frábær lögfræðingur með skarpa og strategíska hugsun, og fyrrverandi baráttukona. Nú hefur hún magasár af stressi og fær lítinn svefn. En það er ekki starfið sem slíkt sem stressar hana upp, heldur er það yfirmaðurinn sjálfur, George... Lesa meira

Lucy Kelson er yfirlögfræðingur Wade Corporation stórfyrirtækisins, sem er einn stærsti verktakinn í New York borg. Hún er frábær lögfræðingur með skarpa og strategíska hugsun, og fyrrverandi baráttukona. Nú hefur hún magasár af stressi og fær lítinn svefn. En það er ekki starfið sem slíkt sem stressar hana upp, heldur er það yfirmaðurinn sjálfur, George Wade. Myndarlegur, heillandi og sjálfselskur, og hann umgengst hana frekar eins og barnfóstru en Harvard útskrifaðan lögfræðing, en getur varla lifað án hennar. En núna er Lucy Kelson búin að fá nóg af honum ...... minna

Aðalleikarar

Sandra Bullock

Lucy Kelson

Hugh Grant

George Wade

Alicia Witt

June Carver

Dana Ivey

Ruth Kelson

Robert Klein

Larry Kelson

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (3)


Þetta er ákaflega skemmtileg og sæt mynd sem Hugh Grant og Sandra Bullock prýða.Þetta er reyndar ekkert mikið öðruvísi ástarmynd, en á köflum þá var hún alveg mjög skemmtileg og maður hló mikið og brosti nánast alla myndina. Þau eru bara vinir en hann áttar sig ekki á því að hann er skotinn í henni.

Áttar hún sig á því að hún er að verða skotinn í honum, hún spáir ekkert frekar í það af því að hann er við annan kvenmann kenndur. En ég segi ekki meira, og vonast ég til þess að þið sjáið hana. FÍN MYND .
Fannst þér gagnrýnin hjálpleg? Nei

Þegar maður leyfir kvenkyns vini sínum að ráða kvikmynd kvöldsins á það ekki að koma á óvart þó formúlukennd rómantísk gamanmynd verði fyrir valinu. Two Weeks Notice er svosem ekkert það slæm en ég hefði helst kosið að sjá eitthvað annað. Sandra Bullock og Hugh Grant eru draumapar þessara mynda, og það hlaut að koma að því að bæði yrðu sett í sömu myndina til að tryggja góða aðsókn. Bullock leikur umhverfissinnaðan lögfræðing sem lendir óvart í vinnu hjá forríkum viðskiptajöfur sem er yfirleitt sama um smámál eins og umhverfið og svoleiðis. Þau hatast, þau elskast, þau verða óvinir, hún hættir, önnur kona blandast í spilið, bæði átta sig á því sanna, ástin blómstrar, allir lifa hamingjusamir til æviloka. En ekki hvað, þetta er rómantísk gamanmynd frá Hollywood! Það er ekki eins og það eigi að koma manni á óvart hérna. Bullock og Grant ná reyndar mjög vel saman og eru temmilega fyndin í hlutverkum sínum. Það er aðallega í þeirra senum sem manni stekkur bros. Að öðru leyti er þetta formúla út í gegn, enda ekki við öðru að búast frá Marc Lawrence (Miss Congeniality, Forces of Nature), sem bæði leikstýrir og skrifar handrit. Fínasta stefnumótamynd en Two Weeks Notice býður ekki upp á neitt sem maður hefur ekki séð mjög oft áður.
Fannst þér gagnrýnin hjálpleg? Nei

Sumar myndir eru þeim eiginleikum gæddar að þær eru einfaldlega þægilegar og ánægjulegar á að horfa þó svo að það sé ekki um neinar stórmyndir að ræða.Two weeks notice er ein af þessum myndum. Myndin fjallar um milljarðamæringin George Wade (Hugh Grant) sem nýtur alls þess sem peningar hafa uppá að bjóða. Hann veður í kvenfólki og lítur á konur sem leikföng frekar heldur en manneskjur. Hann tekur starf sitt mátulega alvarlega og í raun felst starfið hans í því að vera andlit risafyrirtækis útávið. Bróðir hans, Howard Wade, (sem er ekki eins mikið fyrir augað) er forstjóri fyrirtækisins. George vill nær eingöngu ráða sætar konur sem sína aðstoðarmenn og lögfræðinga bróður sínum til mikils ama. Á vegi George verður lögfræðingurinn Lucy Kelson (Sandra Bullock). Lucy hefur ákveðnar hugsjónir og berst t.a.m. gegn stórfyrirtækjum eins og George Wade stendur fyrir. Hún sér samt leik á borði þegar George vill fá hana sem sinn lögfræðing. Hún getur reynt að hafa áhrif á stefnu fyrirtækisins. Í raun var George að ráða hana til að aðstoða sig við smáhluti eins og í hvaða buxur hann á að fara og það þolir Lucy ekki. Milli þeirra skapast rafmögnuð spenna sem hlýtur að losna úr læðingi.Þessi mynd er hin besta skemmtun og afskaplega þægileg á að horfa. Samleikur Grants og Bullock er með ágætum. Fínasta afþreying.
Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn