Ballistic: Ecks vs. Sever 2002
(Ballistic: Ecks Vs. Sever)
Frumsýnd: 14. febrúar 2003
Your most dangerous enemies are the friends you've double-crossed.
91 MÍNEnska
19/100
Alríkislögreglumaðurinn Jonathan Ecks þarf að vinna með erkióvini sínum, Sever, leyniþjónustumanni, til að sigrast á sameiginlegum óvini. Óvinurinn hefur þróað örflögu sem sprautað er inn í fórnarlömb þannig að hægt sé að drepa þau með fjarstýringu.
Aðalleikarar
Leikstjórn
Handrit
Myndin ballistic getur svæft mann á köflum, hasarinn enginn og verið er að bulla um eitthvað. Hins vegar er endirinn á ballistic rosalega góður.En vilji maður sjá góða mynd þá legg ég til að taka aðra mynd eða sjá bara endirinn er það eina sem er peningana virði.góður leikur hjá Banderas og Liu en afskaplega légegur söguþráður og hörmuleg leikstjórn
Þessi mynd er í meðallagi ef litið er á þá staðreynd að hún er dæmigerð B-mynd. Mér líkaði satt að segja ekki svo illa við hana, fremur einfaldur (en langsóttur) söguþráður og hasar yfir meðallagi, auk þess sem tæknin brást ekki. Tölvutónlistin var alveg í takti við myndina, hún passaði vel við þessa dramatísku B-mynd með hasarívafi og Lucy Liu í svipuðu hlutverki og áður og Antonio Banderas í ágætis formi. Leikurinn var nefnilega alveg í meðallagi. Ecks (Banderas) missti konuna fyrir sjö árum, en fréttir að hún geti verið á lífi og að upplýsingar um hana sé að fá hjá helsta óvininum, henni hættulegu Sever (Liu), sem hann berst við af álíka snilld og hún býr yfir. Ég get alveg alveg mælt með þessari mynd fyrir aðdáendur hasarmynda í B-flokki. Hún er spennandi og inniheldur mörg góð bardaga- og hasaratriði, þótt það hefði kannski mátt slá aðeins af eyðileggingunni...
Ef þér leiðist og vilt deyja úr leiðindum sjáðu þessa,
ég bjóst ekki við það miklu en varð samt fyrir vonbrigðum,
hvernig gátu Antonio Banderas og Lucy Liu platað sig til að taka þátt í þessu rugli.
Söguþráður er enginn og leikstjórn ömurleg.
Þetta er mynd sem maður vill gleyma.
Ein allra lélegasta afþreying sem ég man eftir í fljótu bragði. Sagan er mjög góð og inn í hana blandast flétta sem er þolanleg en engu að síður nær myndin sér aldrei á flug og er allan tímann hálf leiðinleg. Bardagaatriði myndarinnar eru mjög léleg að öllu leiti, þau eru hörmulega útfærð og maður fær enga ánægju út úr því að horfa á þau. Ég mæli með því að fólk horfi fram hjá því hverjir leika í myndinni því að það hefur ekkert með gæði þessarar myndar að gera. Forðist þessa mynd hún er engu betri en það að pissa upp í vindinn, maður verður hálf skítugur af því.
Ef þið hafið séð úr þessari mynd eða heyrt auglýsingu um hana eða eitthvað af því tagi þá hafið þið eflaust heyrt að myndin sé um tvær rosa leyniþjónustu manneskjur sem eru í sitthvoru liðinu og eru að eltast við tækniþróaðasta launmorð vopn sem gert hefur verið, það sem þú færð þegar þú ferð á myndina er allt annað.Vopnið góða lendir í fjarlægu þriðja eða fjórða sæti á eftir sálrænu vælu rugli í bæði ekcs(Antonio) og Sever(Lucy)um fjölskyldumeðlimi sem þau hafa misst og er eiginlega öll myndin um það.Hasar atriði eru svosem ágæt en alveg afskapleg heimsk, eins og til dæmis á einum stað þar sem báðir aðilar (góðir og vondir) eru að sprengja allt í klessu af engri sjáanlegri ástæðu.Ég verð bara að segja að ég hef sjaldan haft eins lítið gaman af nokkurri mynd og mæli eindregið með því að þið hugsið ykkur tvisar um áður en þið farið að sjá þessa mynd. Ég veit eiginleg ekki hvort ég ætti að gefa henni alveg heila stjörnu en Lucy Liu er ansi flott og ég ætla að nota það sem afsökun!!!!
Um myndina
Leikstjórn
Handrit
Aldur USA:
R
Frumsýnd á Íslandi:
14. febrúar 2003
VHS:
28. maí 2003