The Core
Bönnuð innan 12 ára
SpennumyndSpennutryllirVísindaskáldskapurÆvintýramynd

The Core 2003

Frumsýnd: 4. apríl 2003

This Spring, Mankind's Greatest Threat Is Earth Itself.

5.5 87264 atkv.Rotten tomatoes einkunn 40% Critics 6/10
135 MÍN

Kjarni Jarðarinnar hefur stöðvast og náttúruhamfarir eiga sér stað um alla Jörðina: Fuglar haga sér brjálæðislega, ofsaveður geysar og 32 manns deyja þegar gangráður þeirra hættir að virka. Dr. Josh Keyes og hans fimm manna teymi fara niður að miðju Jarðar til að koma af stað kjarnorkusprengju til að fá kjarna Jarðarinnar til að byrja aftur að snúast,... Lesa meira

Kjarni Jarðarinnar hefur stöðvast og náttúruhamfarir eiga sér stað um alla Jörðina: Fuglar haga sér brjálæðislega, ofsaveður geysar og 32 manns deyja þegar gangráður þeirra hættir að virka. Dr. Josh Keyes og hans fimm manna teymi fara niður að miðju Jarðar til að koma af stað kjarnorkusprengju til að fá kjarna Jarðarinnar til að byrja aftur að snúast, en annars mun mannkynið deyja út.... minna

Aðalleikarar

Aaron Eckhart

Dr. Josh Keyes

Hilary Swank

Maj. Rebecca Childs

Stanley Tucci

Dr. Conrad Zimsky

Richard Jenkins

Gen. Thomas Purcell

Bruce Greenwood

Cmdr. Robert Iverson

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (15)


ömurleg mynd, mér helst langaði að hoppa fram af klett eftir að vera búinn að horfa á þessa mynd hún er hrilingur. hún er svo mikil fkn klisja að það er ekki eðlilegt. ágætis leikur leikara bætir ekki fyrir ömurlegan söguþráð og hræðilega leikstjórn. ég get ekki mælt með þessari mynd fyrir nein með góðri samvisku.
Fannst þér gagnrýnin hjálpleg? Nei

Ég hafði ekkert að gera í kvöld og ákvað að horfa á The Core sem var að byrja á Stöð 2. Ég var langt í frá sáttur með þetta mynd þó ég hafi nú ekki gert miklar væntingar til hennar. Markmiðið með þessu handriti er að halda áhorfandanum spenntum frá upphafi til enda og reyna að skemmta honum þó það virki nú ekkert alltof vel. Einnig þarf handritið á góðum tæknibrellum að halda til að eiga einhverja möguleika að ganga upp en tæknibrellurnar geta langt í frá talist góðar. Ef tæknibrellurnar eru orðnar 2.flokks í mynd eins og þessarri þá vantar mjög mikið. Myndin er mjög óraunhæf en ég reyni að láta það liggja milli hluta þar sem þetta er jú, bara kvikmynd, eins og maður segir oft. Hún inniheldur endalausar klisjur og fannst mér oft eins og ég hafði séð þessa mynd áður. Ég er ekki sáttur með leikaraliðið nema Delroy Lindo, en hann er sá eini sem gerir eitthvað þarna með viti. Tónlistin minnti mig á mynd frá 1980, sem er ekki gott í mynd sem gerð er árið 2002. Stórslysamynd sem nær að kítla spennutaugarnar annaslægið, en gengur alls ekki upp yfir heildina litið.
Fannst þér gagnrýnin hjálpleg? Nei

Stundum velti ég fyrir mér hvort ég sé Íslendingur... Hvað er í gangi og ekki bara hér heldur víðar um heim? Af hverju er þessi mynd svo hrikalega slæm? Lélegar tæknibrellur? Nei alls ekki, bara fínar. Lélegur leikur? Nei síður en svo. Léleg persónusköpun? Nei, alls ekki hefði bara vart getað verið betri. Óáhugaverður söguþráður? Nei alls ekki. Ótrúverðug söguframvinda? Nei hreint ekki. Svo ég spyr aftur: Hvað er svona hrikalega slæmt við þessa mynd? Stundum er eins og það sé í tísku að láta tilteknar myndir fá falleinkunn og aðrar lélegri risaeinkunn. Öll erum við mismunandi og ég virði aðra gagnrýnendur. En ég vil meina að þessi mynd sé fyrirtaks skemmtun. Ég er leið yfir því að hafa ekki farið á hana í bíó, því þá hefði mér sjálfsagt þótt hún enn betri. Svo fór að ég, enn eina ferðina, tók mark á annarra gagnrýni. Og rétt þorði að taka hana á spólu um daginn. Ástæðan var reyndar ekki að mig langaði enn mikið að sjá hana, heldur af því að ég hafði lesið að vísindamenn væru að reyna að finna aðferðir til að ferðast inn að kjarna jarðar. Svo það þýddi að myndin var ekki svona mikið kjaftæði eins og gefið hafði verið í skyn. Og hvað gerðist þegar ég loks sá hana? Jú ég fílaði hana í botn. Ég er hrikalega veik fyrir vísindaskáldskap og þessi mynd er ekki bara með mikið hugmyndaflug innanborðs, heldur líka áhugaverðar persónur og spennandi söguþráð. Eftir að hafa hissa tilkynnt vini sem var enn meira efins en ég, að myndin hefði komið hressilega á óvart, varð vinurinn að prófa líka. Og hvað gerðist? Vinurinn varð jafn hrifinn og ég. Svo ef þið hafið ekki séð myndina ennþá sökum hinnar ósanngjörnu (að mínu mati) gagnrýni, endilega kíkið á hana. Kannski eruð þið á minni bylgjulengd, kannski ekki. En ég sá góða mynd með góðum (svo ekki sé minnst á, frægum) leikurum, sem ég á áreiðanlega eftir að sjá aftur. Peace, out.
Fannst þér gagnrýnin hjálpleg? Nei

Yfirleitt hef ég mjög gaman af heimsendamyndum og vísindaskáldskap. Þessi mynd getur flokkast undir bæði en gerði lítið annað en að pirra mig með afspyrnu slæmu handriti, hryllilegum samtölum og dýrkun á Bandaríkjunum og þeirra hetjum.

Nú er ógnin ekki utanaðkomandi heldur hefur kjarni jarðar hætt að snúast. Því verður auðvitað hópur af bandarískum hetjum að bora sig niður að kjarnanum og hrista duglega við honum.

Handritið finnst mér ómerkilegt og engill leikaranna á góðan dag.

Tæknibrellurnar voru bara í meðallagi og það eina sem á skilið þessa hálfu stjörnu sem ég gef myndinni eru dularfullu atburðirnir sem gerast áður en vísindamennirnir átta sig á því hvað er að gerast; fólk með gangráða dettur dautt niður og fuglar fljúga stjórnlaust á allt sem fyrir þeim verður.


Mæli ekki með henni nema ykkur leiðist virkilega mikið og myndin sé á mánudagskvöldi á RÚV.
Fannst þér gagnrýnin hjálpleg? Nei

Kom mér á óvart má segja þar sem ég sleppti að fara á hana í bíó út af slæmum dómum. Hefði ekki átt að taka mark á þeim.... The Core er hrein vísinda skáldsaga með ólíklegustu atburðarás, er algert kjaftæði en er samt vísindalega séð áhugaverð. Hugsunin að fara í kjarna Jarðar kveikir í mér ímyndunaraflinu. Góð hugmynd þótt ótrúleg séð þessi mynd er. Leikstjórinn ömurlegi Jon Amiel er ekkert sérstakur eins og alltaf. Leikurinn er nokkuð góður hjá öllum. Handritið nægði mínum væntingum en tæknibrellurnar voru ekki eins góðar og ég bjóst við. Maður sá þessar auglýsingar í sjónvarpinu ´með FRÁBÆRAR tæknibrellur´. Þær voru ásættanlegar alls ekkert nýtt. The Core er mynd sem hægt er að horfa á og hafa gaman af þrátt fyrir sína óhugsandi og ógerlega atburðarás en ekki gleyma að mestar myndir eru óhugsandi en má alls ekki gleyma að ekkert er óhugsandi....
Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn