The Legend of 1900
Öllum leyfð
Drama

The Legend of 1900 1998

(La Leggenda del pianista sull'oceano)

Frumsýnd: 6. október 2000

8.1 54406 atkv.Rotten tomatoes einkunn 54% Critics 8/10
165 MÍN

Max, brottfluttur Bandaríkjamaður, heimsækir enska veðlánabúð stuttu eftir lok seinni heimsstyrjaldarinnar, til að selja trompetinn sinn. Eigandi búðarinnar kannast við lagið sem Max leikur sem lag af óútgefinni upptöku, uppgötvaðri og endurgerðri úr brotum fundnum úr píanói sem bjargað var úr skemmtiferðaskipi sem breytt hafði verið í spítalaskip, og... Lesa meira

Max, brottfluttur Bandaríkjamaður, heimsækir enska veðlánabúð stuttu eftir lok seinni heimsstyrjaldarinnar, til að selja trompetinn sinn. Eigandi búðarinnar kannast við lagið sem Max leikur sem lag af óútgefinni upptöku, uppgötvaðri og endurgerðri úr brotum fundnum úr píanói sem bjargað var úr skemmtiferðaskipi sem breytt hafði verið í spítalaskip, og átti nú að senda í brotajárn. Þessi tilviljun minnir Max á aðra sögu, sem tengist bæði búðareigandanum og síðar fulltrúanum sem er ábyrgur fyrir skipinu sem á að farga, en Max er fæddur sögumaður. Þó að Max sé núna ekki upp á sitt besta, og þjakaður af reynslu sinni úr stríðinu, þá var hann eitt sinn áhugasamur og hæfileikaríkur jasstónlistarmaður, enda fæddur í New-Orleans, en lengstu tónleikar sem hann spilaði á var fyrir nokkrum árum síðan með skipshljómsveitinni í flotta skemmtiferðaskipinu the Virginian. Á meðan hann var að venjast verunni á því skipi, þá vingaðist hann við annan ungan mann sem var píanóleikari í skipshljómsveitinni, en hann hét hinu langa og óvenjulega nafni Danny Boodman T.D. Lemons 1900, en allir kölluðu hann 1900, sem var fæðingarár hans. Hann var yfirgefinn af innflytjenda-foreldrum sínum á fyrsta farrými, en fannst og var ættleiddur af kyndaranum Danny, og alinn upp í vélarrúmi skipsins, þar sem hann lærði að lesa með því að lesa fréttir af veðhlaupabrautinni fyrir föður sinn. Eftir að Danny lést af slysförum, þá hélt Danny 1900 áfram að búa á skipinu. Hann heillaðist meira og meira af píanóleiknum á skipinu á fyrsta farrými og varð smátt og smátt hæfileikaríkur píanóleikari sjálfur, frábær í jassspunaleik, og gott nútímalegt tónskáld, innblásinn af lífinu í kringum hann í gegnum tímann og sögunum sem hann heyrði frá farþegunum. Hann varð einnig heillandi, og sjálfstæður ungur maður, skarpur en á sama tíma sakleysilegur. Hæfileikar hans gerðu að verkum að hann gat spreytt sig á móti sjálfum Jelly Roll Morton í píanóeinvígi, sem hann var svo stressaður fyrir að hann nagaði pappír í hnipri á sófanum áður en einvígið átti sér stað. Hann yfirgaf aldrei skipið, nema næstum því einu sinni, eftir að hafa kynnst fallegri ungri konu og innflytjanda, sem blés honum anda í brjóst til að semja tónlistina á frumupptökunni sem Max fann í veðlánabúðinni. Max áttar sig á að 1900 hljóti enn að vera á skipinu, og einsetur sér að finna hann, og að finna út úr því í eitt skipti fyrir öll afhverju hann hefur alltaf neitað að yfirgefa skipið. ... minna

Aðalleikarar

Bill Nunn

Danny Boodmann

Clarence Williams III

Jelly Roll Morton

Leikstjórn

Handrit


UMFJALLANIR AF ÖÐRUM MIÐLUM


Svipaðar myndir


Gagnrýni (1)


The Legend of 1900 er frábær mynd framleidd af ítölum en það er töluð enska í myndinni.


Aðalpersónan heitir 1900 og er leikinn af Tim Roth( Planet of the Apes, Reservoir Dogs). 1900 fæðist im borð í skemmtiferðarskipi og er skilin eftir í matsalnum, þar er hann funndinn af manni sem sér um að þrífa salinn. Þessi maður sér um að ala drenginn upp og nefnir hann 1900. 1900 læðist á næturnar til að spila á píanóið sem er í salnum þar sem fólkið á 1.farrými borðar. Hann lærir allveg sjálfur að spila og spilar aldrei eftir nótum, heldur semur hann það bara á staðnum það sem hann spilar. 1900 er ráðinn til að spila á meðan ríka fólkið borðar og verður hann mjög frægur. Fullt af fólki kemur um borð til að sjá þennan snilling spila. Þar á meðal kemur maðurinn sem fann upp jazzin( hef ekki hugmynd um hvað hann heitir) og skorar á 1900 í píanó keppni í allveg mögnuðu atriði.


Þessi mynd er allveg mögnuð og mæli ég hiklaust með henni.
Fannst þér gagnrýnin hjálpleg? Nei
Skrifa gagnrýni
Fyrirsögn
Senda inn
(Anda rólega, getur tekið smá tíma að fara yfir)
Skrifa söguþráð
Fyrirsögn
Takk fyrir aðstoðina, þú ert stjarna.
Senda inn