Myndin fjallar um Warren sem kemur heim til foreldrahúsa um þakkargjörðarhátíðina, eftir þriggja ára fjarveru. Fjölskyldan og aðstandendur hennar samanstanda af kynóðri systur og bældum elskhuga hennar, bróður sem á erfitt með skuldbindingar og systur sem er á hátindi gelgjuskeiðsins. Faðirinn talar lítið og sýnir lítil sem engin svipbrigði og móðirin reynir að gera það besta úr hlutunum þó ástandið sé ekki upp á marga fiska.