Metnaðarfullir búningar á Batman-forsýningu

Þessar staðreyndir hafa pottþétt ekki farið framhjá neinum sem sækir þessa síðu reglulega, en í gærnótt héldum við miðnæturforsýningu á stærstu (og það sem við stjórnendur viljum kalla bestu) mynd sumarsins. Æðar voru að springa af spenningi enda var löng röð byrjuð að myndast einum og hálfum tíma fyrr. Stemmarinn á forsýningunni sjálfri smitaðist hratt og fór langt fram úr okkar væntingum hversu glæsilegir sumir búningarnir voru.

Þema kvöldsins var “mættu sem þín uppáhalds Batman-persóna” og eins og má sjá á þessum ljósmyndum var aldeilis úrval í boði af ýmsum karakterum. Sigurvegarar kvöldsins mættu sem Scarecrow, Harley Quinn og Bane. Í fyrstu verðlaun voru opnir bíómiðar, Lego Batman 2 á PS3, Inception á Blu-Ray, Bane action-fígúra (handa fullorðnum, frá vinum okkar úr Nexus), Batman-bolir, húfur, Under the Red Hood á DVD o.fl. Flestir sem mættu í búning gengu þó heim með varning af einhverri gerð.

Sindri Gretarsson tók myndirnar.


Harley Quinn, önnur til vinstri, tók 2. sætið!


Bane í miðjunni tók þriðja sætið.


Scarecrow sló litlu dómnefndina okkar alveg út af laginu. Hann tók aðalverðlaunin.

PS. Ef þú varst á staðnum þætti okkur vænt um að fá að heyra hvað þér fannst.