Fyrsta stiklan úr Grafir og Bein

grafirogBjörn Hlynur Haraldsson og Nína Dögg Filippusdóttir fara með aðalhlutverkin í nýjum sálfræðitrylli sem verður frumsýndur þann 3. október næstkomandi.

Myndin ber heitið Grafir og Bein og var fyrsta stiklan úr myndinni sýnd í dag.

Grafir og Bein fjallar um hjón sem missa dóttur sína og flytja í afskekkt hús til þess að annast frænku sína eftir að foreldrar hennar deyja á furðulegan hátt. Þegar komið er í húsið fara undarlegir hlutir að gerast. Svefnlausar nætur, dularfullt fólk sem heimsækir þau og ótrúlegir hlutir sem þau upplifa í veru sinni í húsinu sem er reimt.

Anton Sigurðsson leikstýrir og er þetta fyrsta kvikmynd hans í fullri lengd. Myndin er framleidd af Ogfilms og meðframleidd af Pegasus og Mistery.

Hér að neðan má sjá fyrstu stikluna úr myndinni.