Margir gamanleikarar reyna sig einhverntímann á ferlinum við alvarlegri hlutverk, sem oft getur leitt af sér góða og áhugaverða hluti. Trainwreck leikkonan og uppistandarinn Amy Schumer hefur ákveðið að gera einmitt þetta, en hún hefur verið ráðin í mynd Jason Hall; Thank You For Your Service.
Þar eru fyrir leikarar eins og Miles Teller, Haley Bennett, Joe Cole, Beulah Koale, Scott Haze, Keisha Castle-Hughes, Brad Beyer, Omar Dorsey og Jayson Warner Smith.
Thank You For Your Service fjallar um hóp ungra bandarískra hermanna sem snúa heim frá Írak, en reynslan úr stríðinu hvílir þungt á þeim.
Um leið og þeir reyna að hefja venjulegt líf heima í Bandaríkjunum, setja minningarnar úr stríðinu allt líf þeirra í uppnám.
Tökur myndarinnar eru hafnar undir stjórn Jason Hall, handritshöfundar American Sniper.
Frumsýningardagur hefur ekki verið ákveðinn.