Fyrsta plakatið fyrir gamanmyndina Zoolander 2 er komið út, en þar sjáum við allar helstu persónur myndarinnar skarta sínu allra fegursta.
Það eru leikararnir Penélope Cruz, Owen Wilson, Will Ferrell, Kristen Wiig og Ben Stiller, sem leikur sjálfa ofur-karlfyrirsætuna Zoolander, sem prýða plakatið, auk hunds með sólgleraugu.
Eins og við sögðum frá á dögunum þá er stiklan úr Zoolander 2 vinsælasta stiklan úr gamanmynd frá upphafi.
Zoolander 2 var tekin upp á 12 vikum í Róm og í Cinecittá-kvikmyndaverinu. Myndin verður frumsýnd 12. febrúar á næsta ári en ljóst er að fjölmargir bíða hennar með mikilli eftirvæntingu.
Ben Stiller leikstýrir myndinni.
