Aniston og De Niro í The Comedian

Jennifer Aniston og Robert De Niro munu leika aðalhlutverkin í The Comedian sem er væntanleg í bíó á næsta ári. Aniston

Í myndinni leikur De Niro uppistandara sem fellur fyrir persónu Aniston í brúðkaupi, samkvæmt frétt Contactmusic.com.

Þetta verður ekki í fyrsta sinn sem De Niro leikur uppistandara því hann lék Rupert Pupkin í The King of Comedy sem kom út 1982. Þar lék hann á móti Jerry Lewis.

Fregnir herma að De Niro hafi langað að leika í myndinni í áraraðir. Framleiðendur verða þeir sömu og gerðu Cake með Aniston í aðalhlutverki en sú mynd kom út í fyrra.