Rihanna í nýrri mynd Luc Besson

Söngkonan Rihanna mun leika stórt hlutverk í næstu mynd Luc Besson, Valérian and the City of a Thousand Planets. rihanna

Besson tilkynnti þetta á Instagram og setti þar mynd af Rihanna með orðunum: „Rihanna er Valerian!!!!….og hún leikur stórt hlutverk!! Ég er mjöööööög spenntur.“

Valérian and the City of a Thousand Planets er tímaflakksmynd sem gerist á 28. öld og er byggð á franskri myndasögu. Með önnur hlutverk fara Cara Delevingne, Clive Owen og Dane DeHaan. Myndin er væntanleg í bíó í júlí 2017.

Þetta verður þriðja kvikmyndahlutverk Rihanna en hún hefur áður leikið í Home, sem kom út á þessu ári og Battleship.

Söngkonan er einnig að undirbúa sína áttundu plötu, Anti.