Fyrsta stiklan úr trans-dramanu The Danish Girl er komin út, en myndin verður frumsýnd í lok nóvember.
Myndin er sönn saga Lili Elbe, sem Óskarsverðlaunaleikarinn Eddie Redmayne leikur, en hún var ein fyrsta manneskjan í sögunni til að undirgangast kynfæraaðgerð til að breyta kyneinkennum sínum.
Í myndinni er rakin breytingarsaga Elbe, og hvernig það hafði áhrif á samband hennar við eiginkonuna, Gerda Wegener, sem Alicia Vikander leikur. Aðrir helstu leikarar eru Amber Heard, Matthias Schoenaerts og Ben Wishaw.