Sólveig Anspach látin

solveig-anspach1Íslensk- franski kvikmyndagerðarmaðurinn Sólveig Anspach, er látin, 54 ára að aldri. Banamein hennar var brjóstakrabbamein.

Sólveig leikstýrði 14 myndum á ferlinum, bæði heimildarmyndum og leiknum myndum. Sólveig var heiðruð á kvikmyndahátíðinni í Cannes árið 2001 fyrir myndina Made in the USA, sem fjallaði um aftöku í Texas. Mynd hennar Queen of Montreuil vann áhorfendaverðlaunin á RIFF kvikmyndahátíðinni í Reykjavík. Auk þess var hún valin besti leikstjórinn á alþjóðlegu kvikmyndahátíðinni í Ghent árið 1999 fyrir myndina Haut les Coeurs!

Sól­veig hafði ný­lokið tök­um á nýj­ustu bíó­mynd sinni, Sundá­hrif­in (L’ef­fet aquat­ique), á Íslandi og í Frakklandi þar sem hún bjó lengst af æv­inn­ar, eins og fram kemur á vefnum klapptré.

„Hún var frábær kvikmyndagerðarmaður, kær samstarfsmaður og vinur,“ sagði framkvæmdastjóri hjá WGA West, Howard Rodman, um Sólveigu á Deadline vefnum, en þar má lesa frekari eftirmæli um Sólveigu.