Henry Cavill þurfti að biðjast afsökunar eftir að hafa orðið of æstur í kynlífssenu við tökur á sjónvarpsþáttunum The Tudors.
Cavill, sem er 32 ára er þekktastur fyrir að leika Ofurmennið í Man of Steel. Nýjasta mynd hans er endugerð The Man from U.N.C.L.E.
Cavill lék Charles Brandon í The Tudors. „Þetta hefur bara einu sinni komið fyrir mig og það var mjög vandræðalegt. Það var kona ofan á mér og hún var með stórkostleg brjóst og ég var ekki búinn að hagræða dótinu mínu nógu vel. Hún nuddaði sjálfri sér yfir mig allan og ég fékk smá standpínu,“ sagði Cavill.
Henry, sem leikur á móti Ben Affleck í ofurhetjumyndinni sem margir bíða eftir, Batman v Superman, á næsta ári, sagði að atvikið væri algjörlega óviðeigandi og hann hafi beðist ítrekað afsökunar við mótleikkonu sína.