Dansar við goskæli

magicmikeFyrsta stiklan úr Magic Mike XXL, sem er framhaldið af karlfatafellumyndinni Magic Mike, var opinberuð í dag.

Hér fella myndarlegir karlmenn áfram föt, við dúndrandi tónlist, og miðað við stikluna þá er heitt í kolunum hjá þeim Channing Tatum, Matt Bomer og Joe Manganiello.

Aðalstjarna fyrstu myndarinnar, Matthew McConaughey, sá sér ekki fært að leika í framhaldinu, en hann lék Dallas sem var eigandi nektardansstaðar.

Eins og fyrr segir þá er stiklan sjóðheit og má m.a. sjá mann beran að ofan slípa járn með tilheyrandi eldglæringum, eldri konur reyna við yngri menn og svo tekur leikarinn Manganiello trylltan dans við goskæli inn í verslun.

Hér að neðan má sjá þessa eldheitu stiklu. Sjón er sögu ríkari.