Uppgvötun úr fortíðinni á Stockfish

Á morgun, miðvikudaginn 25. febrúar kl. 20:30 mun Stockfish – evrópsk kvikmyndahátíð í Reykjavík sýna kvikmyndina ‘La Cicatrice Intérieure’ (Innra sárið) sem var m.a. tekin upp á svörtum söndum Suðurlands, við Hekluelda og Öxarárfoss sumarið 1970. Aðalhlutverk kvikmyndarinnar er leikið af tónlistargoðsögninni Nico sem söng einnig á rómuðustu og áhrifamestu rokkplötu allra tíma, Velvet Underground & Nico.

2640_nico_la_cicatrice_interieure_1972

La Cicatrice Intérieure verður sýnd í fyrsta skipti á Íslandi á kvikmyndahátíðinni Stockfish. Hún verður þannig fyrsta myndin í flokki mynda sem sýndar verða á Stockfish-hátíðum framtíðarinnar undir heitinu ‘Uppgötvun úr fortíðinni’ en það eru myndir sem teknar hafa verið á Íslandi án þess að mikið hafi borið á.

InnerScar

Tónlistargoðsögnin Nico (fædd Christa Päffgen, 1938) söng ‘All Tomorrows Parties’, ‘Femme Fatele’ og ‘Venus in Furs’ á ‘Andy Warhol’ plötu Velvet Underground & Nico, einni rómuðustu og áhrifamestu rokkplötu allra tíma. Hin djúpa rödd hennar og kaldi söngur er hluti af hljóðrás sjöunda áratugarins og andlit hennar eitt af þekktustu andlitum hans. Eftir að hún sagði skilið við Velvet Underground starfaði hún m.a. með Tim Buckley, Jackson Browne og Brian Eno.

Fyrsta sólóplata hennar ‘Chelsea Girl’ hafði mikil áhrif á Leonard Cohen og á þeirri næstu, ‘Desertshore’, má heyra að hún er ein af uppáhaldsplötum Bjarkar. Nú gefst íslenskum tónlistar- og kvikmyndaunnendum loks að sjá goðsögnina Nico í íslenskri birtu og landslagi.“ Ljósmynd úr myndinni prýðir umslag ‘Desertshore’ og á henni sést einnig Ari Boulogne, sonur Nico og franska leikarans Alain Delon, en drengurinn lék með henni í myndinni. Og tónlistina í myndinni er að finna á plötunni.

Stikk: