Ástsjúkur Matt LeBlanc

lovesickHinn geðþekki leikari Matt LeBlanc, sem margir þekkja úr þáttunum Friends og Episodes, fer með aðalhlutverkið í nýrri gamanmynd sem nefnist Lovesick.

Myndin fjallar um einhleypann mann, Charlie Darby, á miðjum aldri sem hefur allt. Góða vinnu, fjölskyldu, vini og nánast allan pakkann nema ástkonu, því ef hann verður ástfanginn þá missir hann vitið.

Darby kynnist konu sem er hin eina sanna fyrir hann. Vinir hans geta ekki horft upp á hann glata þessari konu og fjallar myndin um baráttu hans, með hjálp vina sinna, gegn þessari geðveilu sem hrjáir hann þegar hann er í ástarsamböndum.

Með önnur hlutverk í myndinni fara m.a. Chevy Chase, Ali Larter og Rachel Harris.

Hér að neðan má sjá stiklu úr myndinni sem verður frumsýnd þann 6. febrúar vestanhafs.