Chewbacca-leikari fluttur á sjúkrahús

PeterMayhew_zps38e53284Leikarinn Peter Mayhew, sem hefur farið með hlutverk Chewbacca í öllum stjörnustríðsmyndunum, var fluttur með sjúkrabifreið á sjúkrahús í gær. Ástæðan er talin vera skyndileg lungnabólga.

Eiginkona Mayhew, Angie, hefur þó fullvissað aðdáendur á vefnum Reddit um að hinn sjötugi leikari sé á batavegi og eigi eftir að ná sér að fullu.

,,Við viljum þakka fyrir fallegar kveðjur, bænir og góða strauma“ skrifaði hún á síðuna.

Mayhew hefur helgað feril sínum loðna skrímslinu, fyrir utan nokkrar undantekningar og má þar nefna hryllingsmyndina Terror.

Mayhew fer að sjálfsögðu með hlutverk Chewbacca á nýjan leik í nýjustu stjörnustríðsmyndinni, Star Wars: The Force Awakens, sem verður frumsýnd 18. desember, 2015 í Norður-Ameríku.