Nóvemberhefti kvikmynda – og DVD/Blu-ray/VOD tímaritsins Myndir mánaðarins, 250. tölublað, er komið út, en eins og ávallt er blaðið sneisafullt af áhugaverðu efni í bland við kynningar á nýjustu myndum bíóhúsanna í nóvembermánuði sem og nýjum myndum sem gefnar verða út á DVD, Blu-ray og/eða VOD í mánuðinum.
Á forsíðum blaðsins eru annarsvegar Jennifer Lawrence aðalleikkona The Hunger Games: Mockingjay Part 1, sem frumsýnd verður þann 21. nóvember nk. , í bíóhluta blaðsins, og í vídeóhlutanum eru það engir aðrir en harðjaxlarnir í The Expendables 3, með Sylvester Stallone í broddi fylkingar. Myndin kemur út á vídeó þann 20. nóvember nk.
Einnig má í blaðinu sjá það nýjasta á tölvuleikjamarkaðnum og margt fleira, eins og stjörnuspá, bíófréttir og bíómiðaleik.
Smelltu hér til að lesa Myndir mánaðarins á kvikmyndir.is
