Fyrsta stiklan úr Avengers: Age of Ultron var opinberuð rétt í þessu. Myndinni er leikstýrt af Joss Whedon og verður frumsýnd 1. maí, 2015. Myndin er önnur í röðinni í The Avengers seríunni, en fyrri myndin sló öll aðsóknarmet þegar hún var frumsýnd á síðasta ári.
Í Marvel teiknimyndasögunum er Ultron sköpunarverk vísindamannsins Hank Pym, öðru nafni Ant-Man. En af því að Ultron er hannaður til að vera með vitund og geta lært, þá fer hann fljótlega að vera of upptekinn af sjálfum sér sem endar með skelfingu fyrir alla í kringum hann.
Með helstu hlutverk í myndinni fara Robert Downey Jr., Scarlett Johannson, Chris Hemsworth, James Spader, Chris Evans, Jeremy Renner og Samuel L. Jackson.
Myndin verður frumsýnd vestanhafs þann 1. maí, 2015. Hér að neðan má sjá fyrstu stikluna úr myndinni.