Game of Thrones-leikari í Maze Runner 2

Adian Gillen, sem leikur Littlefinger í sjónvarpsþáttunum vinsælu Game of Thrones, hefur verið ráðinn í hlutverk illmennisins í myndinni The Maze Runner: Scorch Trials. adian

Hún er framhald The Maze Runner sem fór á toppinn yfir aðsóknarmestu myndirnar vestanhafs um síðustu helgi og er byggð á fyrstu bókinni úr þríleik James Dashner.

Vegna góðs gengis hennar í miðasölunni hefur 20th Century Fox strax ákveðið að gera framhaldsmynd. Tökur á henni hefjast í lok október og frumsýning er fyrirhuguð á næsta ári.

Gillen mun leika Janson sem er einnig þekktur sem Rat-Man.