Styttist í tökur á Star Trek 3

quinto-spock-star-trek-1114241440Samkvæmt leikaranum Zachary Quinto þá mun þriðja Star Trek myndin fari í tökur eftir fáeina mánuði. Quinto, sem fer með hlutverk Spock í myndunum, var í viðtali hjá Today Show á dögunum og sagði þar að tökur myndu hefjast í byrjun næsta árs.

,,Þetta er allt að smella saman. Ég myndi halda að við byrjum eftir nokkra mánuði.” sagði Quinto.

Leikstjórinn J.J. Abrams mun ekki leikstýra myndinni að þessu sinni sökum þess að hann er að einbeita sér að Star Wars: Episode VII. Abrams mun þó verða einn af framleiðendum myndarinnar.

Framleiðandinn Roberto Orci mun taka við keflinu og verður myndin leikstjórnarleg frumraun hans. Orci hefur framleitt og skrifað síðustu tvær Star Trek myndir og mun þ.a.l. leikstýra og skrifa þriðju myndina.

Star Trek 3 er áætluð í kvikmyndahús árið 2016.