Heard í XXL

Amber Heard hefur verið ráðin til að leika í myndinni Magic Mike XXL, en hún er þar með þriðja leikkonan til að hreppa hlutverk í myndinni. Hinar eru Andie MacDowell og Jada Pinkett Smith.

amber heard

Channing Tatum snýr aftur sem nektardansari í titilhluverkinu, og fer nú í ferðalag ásamt vinum sínum úr fyrstu myndinni, Matt Bomer, Joe Manganiello og fleirum.

Matthew McConaughey lék eiganda strippstaðarins í fyrstu myndinni, sem leikstýrt var af Steven Soderbergh. McConaughey verður hinsvegar fjarri góðu gamni í nýju myndinni þar sem hann er upptekinn við að leika í mynd Gus van Sant, Sea of Trees.

Heard sést næst á hvíta tjaldinu ásamt Billy Bob Thornton í London Fields, og með James Franco í The Adderall Diaries. Þá leikur hún í When I Live My Life Over Again, ásamt Christopher Walken.