Damon í viðræðum við framleiðendur Bourne

NE9IIBN1wiwCci_1_2Leikarinn Matt Damon er sagður vera í lokaviðræðum um að snúa aftur sem minnislausi leigumorðinginn, Jason Bourne, í fimmtu myndinni í samnefndri seríu. Damon hefur leikið Bourne í þremur myndum hingað til. Leikstjórinn Paul Greengrass er einnig sagður í viðræðum við myndverið Universal, en hann leikstýrði annarri og þriðju myndinni.

Samkvæmt heimildum Slashfilm vefjarins þá hefur myndverið ákveðið að setja hliðarpersónuna Aaron Cross, sem var leikinn af Jeremy Renner í fjórðu myndinni, til hliðar og einbeita sér frekar að aðalpersónunni, Jason Bourne.

Í fyrstu myndinni er Jason Bourne eltur uppi af fólki sem hann veit ekkert um. Það sem gerir málið verra er að hann þjáist sjálfur af minnisleysi, sem að þýðir að hann veit ekkert hver hann er eða í hvað hann er flæktur.

Bourne serían er ein stærsta og mikilvægasta sería Universal. Fjórða myndin, The Bourne Legacy, þénaði t.a.m 276 milljónir Bandaríkjadala á heimsvísu.